السلام عليكم....
بصراحة يا جماعة انا شب متل كل هل شباب يللي راكدين ورا هل الدنية الفانية ..
ويللي مو عاملين حساب لا للموت ولا للآخرة ..إلى أن توفت إحدى قريباتي وهي
ريعان شبابها..وتوفي بعد فترة من رحيلها ابوها (عمي) وشفتن بعيوني كيف عم يدفنو
ويحطو التراب فوقو...حسيت بعدها ئديش الدنية فانية وأنو الموت ما بيعرف لا كبير ولا
صغير وانو نحنا مو آخدين معنا للآخرة إلا عملنا...
المهم ...مشان هيك أنا نويت بيني وبين نفسي أني بلش شغل للآخرة والحمد لله
لئيت في احاديث وآيات ما تاخد منا غير دئايئ لنئولها واجرها كتير كبير فحبيت
أني شاركن فيها وكل مرة لح حط مشاركة هيي عبارة عن حديث او آية وولح حط
فضلها وشو هوو ثوابها بركي ان شاء الله رب العالمين بيكرمنا ومنئدر نلتزم فيها إلى
يوم الدين...
اما موضوع اليوم فهوو سيد الاستغفار
عن النبي صلى الله عليه وسلم
سيد الاستغفار أن تقول اللهم أنت ربي لا إله إلا أنت خلقتني وأنا عبدك وأنا على
عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك
بذنبي فاغفر لي فإنه لا يغفر الذنوب إلا أنت قال ومن قالها من النهار موقنا بها فمات
من يومه قبل أن يمسي فهو من أهل الجنة ومن قالها من الليل وهو موقن بها فمات
قبل أن يصبح فهو من أهل الجنة
رواه البخاري ..
بعتقد كلنا حافظين الحديث وان شاء الله تنفيذو مو صعب ..
بتمنى انو الكل يتفاعل مع الموضوع
وبتمنى ما حدا يبخل علينا بمعلومات بيعرفها تنفيذها سهل واجرها كبير .
وأرجو من الله التوفيق والثبات
الثلاثاء أغسطس 31, 2010 9:38 am